Мінуў чацьвёрты сезон Пошука. У гэтым годзе былі выключна тэматычныя гульні і вялікая колькасць выязных. Сталыя арганізатары правялі толькі 6 гульняў з 14. Усе астатнія былі на камандах. І гэта здорава! Бо без каманд-арганізатараў – Тутэйшых, Архаў-мАнархаў, Old School, ДА?!, Чапялы, Чыпухоў – сезон бы не атрымаўся паўнавартасным.

На фінальнай гульні нас парадавала вялікая колькасць удзельнікаў. Каманды не спужала ноч і не адвабіў фінальны матч ЛЧ. На старт прыйшло 15 камандаў: Тутэйшыя, ДА?!, Old School, Хіппіфак, ДНК, Архі-мАнархі, Рух-2, Харугва Z, 7:40, Таму Што Гіпаталамус, Пакемошы, Чыпухі, Артефакт і Артефакт-2. А таксама па-за конкурсам на роварах выступала каманда Вандроўнікі.
Фінал быў жорсткім і месцамі страшным. Мабыць усім на доўга запомніцца бальнічка альбо троххадовік ля перакрыжавання дзіцячай чыгункі і ракі; маляўнічы дворык на Сядых ды брукаванка Гало; купанне ноччу на востраве ды гульні ў “каўбасу” ды “слана”.
На фінале перамаглі Тутэйшыя! За імі былі Old School і... Тут з арганізатарам сыграла злы жарт стомленасць ад ночы з пастаяннымі падказкамі і нон-стопавымі конкурсамі на востраве. Пералічыўшы дома табліцу, высветлілася, што трэцімі насамрэч былі Архі-мАнархі, а чацьвёртымі – 7:40. Прашу прабачэння ў абодвух камандаў. Пятымі прыйшла Харугва Z. І калі б не на адна памылка з заданнем “Галоканцэрт Морзе”, яны былі бы першымі ў фінале!
Выніковая табліца фінальнай гульні:
1. Тутэйшыя (4:51)
2. Old School (4:57)
3. Архі-мАнархі (5:25)
4. 7:40 (5:47)
5. Харугва Z (6:15)
6. Пакемошы (6:58)
7. Таму Што Гіпаталамус (8:34)
8. ДНК (9:07)
9. Чыпухі (10:27)
10. Хіппіфак (10:38)
11. ДА?! (11:05)
12. Артефакт-2 (13:04)
13. Артефакт (DFN)
Вандроўнікі былі па-за конкурсам, але дзяўчыны ўтрох выканалі правільна 5 заданняў з 9.

Па выніках усяго сезона другі год запар перамагае сапрыўды моцная і зладжная каманда – Тутэйшыя. На фінальнай гульні іх перагнаць маглі толькі Архі-мАнархі, але ім крыху не хапіла хуткасці, упартасці ды вязення. Архі-мАнархі ж ужо трэці год запар увяходзяць у прызавую тройку сезона. Спачатку гэта было трэцяе, потым другое і цяпер зноў другое месца. Калі ўлічыць, што касцяк каманды разам з капітанам фармуюць яшчэ максімум 2 чалавекі, то такая высокая стабільнасць уражвае. Асабліва гэта адчуваецца, калі архаў параўноўваць з іншай файнай камандай Old School, якая заняла 3 месца сезона. На працягу усяго года яны мелі пастаянны моцны склад удзельнікаў і невядома якая сіла не давала камандзе займаць першыя месцы – апошнія 5 ці 6 гульняў яны былі штораз другімі.
Выніковая табліца сезона:
1. Тутэйшыя – 58 балаў
2. Архі-мАнархі – 47
3. Old School – 42
4. Чыпухі – 20
5. 7:40 – 10
6. Артыфакт – 6
7. ДА?! – 5
8. Таму Што Гіпаталамус – 4
8. Ахтунг – 4
8. Пацухтунг – 4
8. Обездоленный Арчибальд – 4
9. Чапяла – 3
10. Дети улиц – 3
11. Рыбы – 2

Ад сябе жадаю дадаць, што правядзенне пятага сезона Пошука будзе залежыць выключна ад актыўнасці камандаў. Ад мяне чакайце ў наступным годзе развітальную выязную гульню. За 4 гады я аблазіў ужо ўвесь Менск, шчыльна пазнаёміўся з іншымі гарадамі Беларусі. Я знайшоў добрых знаёмых, выдатных сяброў і сваё каханне. Прыйшоў час саступіць месца іншым. Я буду бязмерна шчасьлівы, калі хтосці здолее падхапіць Пошука сцяг. А я ж у сваю чаргу абяцаю ўсяляк дапамагаць у агульнаарганізацыйных справах ды часам наведваць гульні.

Да новых сустрэч, сябры!